A B C D E F G H I J K L M N O P Q R S T U V W X Y Z #
Kënga Magjike 2000

Attendees: Ardit Gjebrea
TV/Radio: TVSH / Radio Tirana
Kenga Magjike 2000 sjell surprizen e madhe, rikthimin ne skene te Bylbylit te Kosoves, Nexhmije Pagarusha – Presidente Jurie. Pas 15 vitesh shfaqet ne skene legjenda kosovare dhe emocioni me i madh perjetohet nga dueti Pagarusha – Gjebrea.

Gjithashtu ne skene këndon Justina Aliaj qe prej 9 vitesh jetonte ne SH.B.A.

Transmetohet drejtperdrejt nga TVSH, TVA dhe RTV21, në lidhje me Radio Tirana, +2 dhe Rash.

Mes 33 kengeve fiton festivalin Irma dhe Eranda Libohova me kengen "1000 endrra"

Një vit jubile, që do të shënonte një eveniment të pakrahasueshëm për nga emocionet. Pikërisht kënga magjike 2000 do të rikthente për herë të parë pas një mungese 15-vjeçare, Bylbylin e Kosovës, Nexhmije Pagarushën. Një zë brilant, që nuk mund të vinte thjesht si Presidente e jurisë së festivalit, por që erdhi denjësisht si një këngëtare e munguar, që në duetin me kantautorin Ardit Gjebrea do të emociononte shqiptarët në të dy anët e kufirit. Kjo, nuk do të ishte përvoja e parë e Nexhmije Pagarushës në Festivalin Kënga Magjike, por ishte kujtimi i parë i saj pas një mungese të gjatë. Një kujtim i shoqëruar me lotë dhe duartrokitje të gjata. Tashmë ky event nuk vinte thjesht si një festival. Përvoja e një viti më parë kishte treguar se bëhej fjalë për një aktivitet spektakolar, ku ruhej natyrshëm ekuilibri mes garës dhe spektaklit. Mes këngëve konkurrente, artistëve të njohur e të rinj kishte vend edhe për një të ftuar speciale si Justina Aliaj, e cila pas 9-vjetësh në Shtetet e Bashkuara të Amerikës, i kthehet skenës së Pallatit të Kongreseve për t’i kënduar sërish Shkodrës. Por Çmimi i parë i festivalit mbetet në Tiranë dhe shkon tek motrat Libohova. Gjatë tri netëve, dialektet e shqipes u përzjenë edhe me një theks gjerman, që vinte nga bashkëprezantuesja e Gjebresë, Sabine Blumayer.


Choose star rating

Rating:  5 / Votes cast:  7




lyrics.al © 2007 - 2017