A B C D E F G H I J K L M N O P Q R S T U V W X Y Z #

Tema: Poezi Per Nënën

Nënës Sime

Nënë,o nënë moj,
Me gëzim dhe mall,
Do të vi të takoj,
Të të puth në ballë!

Mes krahësh,të të rrok,
Pritmë ti në derë,
Me shami në kokë,
Me fustan të gjerë!

Shumë je rënduar,
Në këmbë,mezi rri,
Ngrihesh,pa përtuar,
Përpara më del ti..!

Brenga të ka vrarë,
Shumë vuan për mua,
Lumenj lotësh tharrë,
Mbi faqet e tua!

Duart ti puth fort,
Në gjunjë,duke rënë
Falëm!s'të shoh dot,
Të vuash,moj nënë!

Kam pamje fajtori,
Dhe sy,prej borxhlliu,
Që aq shumë,të mori..
Pak të dhashë,i ziu!!

- poem written by Vaso Dushi


Choose star rating

Rating:  4.9 / Votes cast:  120





Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
lyrics.al © 2007 - 2018