Sunday, February 23, 2020
Lajme

Nënshkrimi i marrëveshjes në Berlin: Kurti fajëson Pal Lekajn, nuk tregon a do t’i shfuqizojë

Kryeministri Albin Kurti ka fajësuar ministrin e Infrastrukturës së Qeverisë së kaluar, Pal Lekajn për dy marrëveshje, duke mos treguar nëse do t’i shfuqizojë atë.

Loading...

Kurti, ka folur pas Konferencës së Sigurisë në Mynih të Gjermanisë, ku ka thënë se marrëveshjet e nënshrkuara sot atje janë bërë para fillimit të qeverisë së tij, dhe se nuk është marrë autorizim nga ai as për të negociauar dhe as për të nënshkruar asnjë marrëveshje, shkruan Gazeta Metro.

Kurti ka thënë se teksti i marrëveshjes nuk është bërë i njohur për publikun dhe qeverinë.
“Sot në Berlin janë nënshkruar dy marrëveshje nga zyrtarë të autorizuar nga ish ministri Pal Lekaj dhe i gjithë procesi i negocimit është bërë para fillimit të Qeverisë sonë. Së këndejmi, këta zyrtarë nuk kanë marrë autorizim nga Qeveria e re as për të negociuar e as për të nënshkruar marrëveshje. Për më tepër as teksti i marrëveshjes nuk është bërë i njohur për publikun e për Qeverinë. Kanë qarkulluar drafte të ndryshme jozyrtare”, ka shkruar Kurti në Facebook.

Ky është reagimi i plotë:

Sot në Berlin janë nënshkruar dy marrëveshje nga zyrtarë të autorizuar nga ish ministri Pal Lekaj dhe i gjithë procesi i negocimit është bërë para fillimit të Qeverisë sonë. Së këndejmi, këta zyrtarë nuk kanë marrë autorizim nga Qeveria e re as për të negociuar e as për të nënshkruar marrëveshje. Për më tepër as teksti i marrëveshjes nuk është bërë i njohur për publikun e për Qeverinë. Kanë qarkulluar drafte të ndryshme jozyrtare.

Sado që të gjitha lidhjet dhe avancimi i standardeve të infrastrukturës janë të domosdoshme për zhvillim të vendeve tona dhe pjesë e vizionit Evropian për bashkëpunim rajonal dhe marrdhënie të fqinjësisë së mirë, megjithatë është shumë me rëndësi që procesi të jetë transparent, rezultat i një negocimi të mirëfilltë dhe në respektim të plotë të sovranitetit dhe ligjeve të vendit, prioriteteve ekonomike dhe në harmoni me obligimet që dalin nga procesi i MSA-së.

Për më tepër, nëse bazohemi te një verzion i marrëveshjes, po qe se analizohet për nga rëndësia ekonomike, hekurudha për në Leshak është më me prioritet dhe më e levërdishme sesa ajo për Merdare.
Në procesin e tranzicionit të qeverisjes, ne jemi duke analizuar të gjithë hapat që janë marrë në të kaluarën dhe ministritë përkatëse janë të angazhuara që këtë ta trajtojnë me prioritet./gazetametro.net